Lubug Truku sbiyaw

Lubug Truku sbiyaw太魯閣族傳統樂器

Lubug Truku sbiyaw o niqan lubug qawqaw, pgagu,lubug qnawal ni lubug tatut 4 keelgan.

lubug qawqaw 口簧琴

Lubug qawqaw Truku o niqan lhpis bi btaw snalu djima ni niqan lhpis bi btaw tnpaqan snalu xiluy embanah 2 keelgan, kiya o lubug qawqaw snalu djima btaw na ni tnpaqan xiluy embanah btaw na.

Sbiyaw balay ka risaw ni wauwa Truku o lmubug qawqaw empprngaw ni niqan lnglungan dha quri txaun ni nirih kari rrngaw dha txaun, kiya o lining kari  aji uri o epprngaw pnskaraya. Qtaan ta paah saw nii, aji wana jiyun lbgun muda mqaras ka lubug qawqaw, plglug lnglungan rgrig, lubug jiyun quri mskuxul uri.

lubug tatuk 木琴

Lubug tatuk o kingal rmabang lubug Truku, snalu qhuni sangas, prihut,qulit, byugu, plux, rbuqil,ni dgarung. Rmabang bi msleexan mripuh bhangan hnang na ka qhuni prihut,mkndux bi bhangan na ka qhuni rbuqil.

Sbiyaw balay mnniq ska dgiyaq siida ka kngkingal sapah rudan Truku o niqan lubug tatuk dha kana, qulung gbiyan mnhdu ka qpahun dha do lmubug tatuk ni ptrawah lnglungan dha, kana alang o hnang lubug tatuk kana, kiya duri ni kana yyayug o mdka saw paru bi qpringan ga mseupu lmubug lubug tatuk suyang bhangan hnang na, Lmubug tatuk o kmeaguh lupung miyah mseupu mkan suyang uqun ni mseupu rmgrig.

pgagu 縱笛又稱獵首笛

Pgagu o snalu kulaw djima, ini tduwa psmhtun miyuk, jiyun miyuk mnsa mdkrang mnangal tunux, tmgiyal miyah dhuq alang, mqaras mlatat alang ka msapuh ni miyuk msa ka rudan sbiyaw.

lubug qnawal 弦琴

Qcinuh ka ttmaan lubug, 4 samu ka psmuun 2 bbaang na, bkian 4 ini pndka lbgan hnang na qnwal embanah, nii ka lubug qnawal sun. dmuuy snalu qhuni mdka quway sslubug, lmubug suyang bi bhangan uyas Truku sbiyaw.

pnyahan kari

資料來源:秀林鄉志 秀林鄉公所2006