Lmuliq (綠藻)

Egu ba klegan kesun lmuliq. Bnrahan hudure, mllamu ba ga plpingan pnhmaan sprigo, kana ssiyo qnabil. Niqal kingal snkukuh musa betaq maxal snkukuh ka knrbawan na. Niqal madis qmuru, waso; niqal kingal ba so qumi snuunux duri.

Kruuru qmleqah qqahan bbtunux, ma so tasil paru meniq siyo pnsliyan lnguwan ruru, qtaan so mgsama bale, ani su huwa kesun kmugus, qmleqah uka mtuting sneedan na bbtunux. Ani si sqleqah sdhreqan ptakur seediq. Lmuliq ruru so nii kuxul ba skadi na tthiqan ka lqlaqi. Kbbobo msdurik tmalang muda qmleqah bbtunux tttasil, uka qqrapan seediq peni.

Musa lmaguy llnguwan duri, Tasil seedan lmiliq nii ka ssaan daha mtheyaq, mangal tloongan qqtinuh sdhriqan. Mddaha taapa tlongan sshdriqan daha mtheyaq. Lmuliq nii, asi ka ruru puahan mtaso qsiya, ini bui hari hido, kndkilan na snbleyaq naq mheru. Tlengun baga mgsama mdheriq bale. Ani si, qsiya mrutiq msrusaq hnyegan na ka lmuliq ge, ini beyo mcheruy ma tuting duri.