Lmaung

lmaung ( 狩獵祭)

Lmaung nii we ooda ptcamac mpqhedu kingal knkawas alang miyan yami nSeediq. Ali ciida we msuupu daha, teru alang uxe duri we sepac alang, suupu mosa cmebu camac kana ka seediq laalang kingal Gaya miyan yami Seediq nTgdaya, wano seediq mnarux ini kbeyax ma mqedil hani mntuting laqi ka meniq alng, mosa kana ka rdrudan ma lqlaqi tnaalang.

pnsramal mplaung（狩獵祭的前置作業）

Kesun lmaung nii we migin kingal bungu tikuh hari ka ptcmanan daha ma, krmanun daha dmayan ka kssiyo mtqiri bungu tikuh nii ma, mdengu ka qqhuni, ssudu ma wwahil dnyangan daha de pdungusun daha kingal ali ka mplaung camac. Mgleing qmburang mtquri lmiqu ini dyangi ka seediq alang, riso ma riso laqi hari ka pniqun daha tgberah bale ma, meniq tgbukuy rriso ka rudan, meniq bukuy drudan ka mqeding ma laqi.

huwa mesa lmaung（狩獵祭的進行）

Btaqun daha puniq ka dnyangan hdurun daha ka bungu kiya, ye ado hduran ka lmiqu de mqquri nganguc qduriq ka cmcamac mneniq ckceka bungu lmiqu di ma, buun daha ciida ka camac denu. Camac nungalan daha we pntnaun maasu seediq alang, smepu hei seediq maasu uxe smepu tnsapah, meniq ka mqedil ga skpahung ge biqan daha pnsugan ka dheya. So nii msaasu ge Gaya malu bale yami nSeediq, ini puyu Gaya so nii ka seediq miyan saya di, hawan ba bbale!

Pteumal pptasun

Snrnuwan na Tado Walis Pawan Nawi ma Siyac Nabu Dakis Pawan整理