Llbu ka Kneudus Seejiq

Llbu ka Kneudus Seejiq 短生命傳

Smalu seejiq seuxal ka utux o plealay smalu tunux seejiq ni pniqun na babaw dxgal. Kiya ka kiya ni ida ini klglug ka tunux. Utux do smalu qaqay ni psaun na qaqay ka tunux do hana mksa babaw dxgal ka seejiq. Niqan ka seejiq snriyu paah quci babuy ni rmngaw sjiqun snalu utux;” Trmai ku haya ka hiyi mu hug? Nasi namu trima knan do ana namu mnarux ga, qrhqun namu siida o ida mha malu kana ka mnarux namu” sun na rmngaw. Kiya ka kiya ni dseejiq snalu utux nii o ini qbahang kari na. Kiya do hiya o wada mrmux quci babuy duri. Manu saw kiya ni hngkwasan seejiq sayang ka llbu ni mnarux mhuqil nhari o yaasa wada ini qbahang kari seejiq smnriyu paah quci babuy ni ungat gnealu dha hki.

pnyahan kari

資料來源耆老Iyuq Ciyang 2005