Kuyuh Qnraq Kumay

Kuyuh Qnraq Kumay 熊抓女人

Niqan 1 wauwa sbiyaw balay, dxgal nniqan na hiya o lala balay kumay. Musa smkrig qmpahan ka wauwa nii ni gbiyan do musa miing mdngu qhuni bbuyu apa na sapah. Brbil mdngu qhuni ka wauwa nii o brbil ka kumay uri, Hgliqan na lukus pbulang ka wauwa ni hngsan na tunux unuh na, babaw na nii, seapa na ka wauwa ni dsi niya qhuni baraw. Hciyan na ptluung sida qhuni. Tmabuy musa mangal uyug ka kumay ni pseisil baga mkaraw qhuni, gisu bi mnkala baraw ka kumay nii siida, kuyuh nii do sduuy na sowki ni“tak” tlapi na haya ka isil baga kumay, sduuy duri ka isil baga ni “tak” sun smalak wauwa duri, kiya do wadaasi tucing “bowk truma.”

Kiya ka kiya ni gbiyan ka dsapah niya ga, ana asi psmiyah hyaan o ida ungat miyah ka wauwa nii, kiya do slhbun balay ka dhiya, kiya ni saw saman, saan dha miing ka wauwa nii da. Bhangan dhagaga mlawa paah sida qhuni baraw ka wauwa,“tama, tama,yahi ku mangal, dnijil ku kumay ni nii ku sida qhuni hini, iya pyahi ka hlmadan” msa. Kiya do dhuq hyaan ka dsapah na do, sai miing ka kumay wada mtucing truma gaga, wada mu tlaban haya ka 2 baga na, msa. Prgan dha ka kumay do asi tai nii mniq hiya, btaqan dhasmbrangsan ni phqilan dha. Kiya ni siida, taan tana na ka wauwa embbulang gaga tluung sida qhuni baraw huiya, hkagan ni saan dha mapa dni qriyan dharnabaw ni dsun dha sapah da.

pnyahan kari

資料來源太魯閣族語教材 秀林鄉公所2006