Kosuy(香茅)

Rudan ta cbeyo hayan we mhuma so pnhgalan uuqun daha nanaq ma, uxe duri we mrriyux kana so dnoi daha, ini kela mbbaruy. Peeyah ka yahun ta na qmlahang Tanah Tunux dige, kika hani ta mkela maanu kesun ka pila. Betaq Telu nii ka meyah smriyux qmlahang ita de, ciida ka mkela ta gmbaruy pnhuma ma, sriyux ta pila ka ita Seediq.

　“Kosuy” nii ngungalan pila dseediq alang hani hari dehuk ka Telu nii, ye ba knxalan 1960 ciida. Ini daha tnyaani kari Seediq, kosuy ge kari Tanah Tunux. So hari brehengin qtaun kosuy nii, mnugaya han we mkteru knkawas pnhmaan de qbrungun texal, bobo na de mndaha qmburung knkingal knkawas denu.

Qmburung kosuy nii ge dungeun hayan, mdengu de bkeun pupu paru ma, hqulun gmutu behing kosuy. Hungedun de moda psbeyuq rekaki ka hengak na, iyu kosuy kesun ka beyuq na nii, snmanun rusuq paru ma pssliyun kulu iyu. Mkere ba sbaruy iyu kosuy nii ciida, ririh so pila iyu kosuy nii wada pkmekul pheyu sapah bgurah dseeiq alang knxalan ciida.