Iya ku hcii hini, dsi ku sapah ta alang!
Iya ku hcii hini, dsi ku sapah ta alang! (不要把我留下來，我要回家！)
[smmalu patas | ida npatas sspgan ka smmalu patas]Brah na hngkwasan mtrul kmxalan siida, ssaan ku na hmaduc alang brnux-Taicung ka tama mu, ida ga mniq hiya ka swayi tama mu.
Pusu balay o, iyux dmudul knan kgui hari snlhayan patas, babaw do ini kntna saw thiya muriq qnpah dgiyaq. Ana ku ini sruwa mmowsa, maku ku dha mrimu sa musa ta marig lukus ni kucu/ramil, hlama/emmu dnii. Kiya do mqaras ku snegul tama mu musa nami alang brnux-Taicung da.
Keeman, blaiq nami mseupu swayi tama ni tnsapah dha mkan nhapuy, egu balay pnsramal dha damac, malu bi uqun maku nami mtngi balay ka buyas uri. Manu ka tama ni swayi niya o, mqaras pprngaw ni mimah kingal tasaw sinaw, ida ku tluung siyaw tama mu, kkyuhun dmuuy kulaw baga na, empiya mu dmurun sa “Tama, iya ku bi hcii hini, dsi ku dsi ku bi kusun, mseupu ta musa alang o＂. Msluung ku tleengan do, nexul ku na kmhabuk psaun ku na tqiyan, dhuq ska rabi ida mu kkrayun dmuuy kulaw baga na, ksugun sa meguy musa mgrbug ka tama mu.
Geinu tg2 jiyax tutuy ku mgrbu do, asi ku skluwi miing tama mu, isil o tmalang ku mhraw lhngung nganguc, isil o lmigis ku mjiras lmawa "Tama! Tama! Maa su qbling balay, hmuya su ini dsi ka yaku da hug?"
Bitaq sayang lnglungun mu endaan slaqi siida, yasa ana bi rabang saw nii ka kdusan ta babaw dxgal hug? Nasi ini ku na psai alang brnux sluhay patas, kani ku ini dhuq saw nii ka kneudus mu da. Tama! Mhuway su balay!
Qtaan patas bnatas (參考資料)
[smmalu patas | ida npatas sspgan ka smmalu patas]Embnatas patas: Lubi Pingaw (高玉美)
Embatas: Kumu Basaw (谷慕‧巴紹)