Ising ka huling mu
Ising ka huling mu(我的狗醫生)
[smmalu patas | ida npatas sspgan ka smmalu patas]Klaun namu? Slaqi meniq miyan tnalang cbeyo we, mgnetun. miyan mangal luqah mbeeba ma mtanah ka tnkuran ciida, ini kesa hae ta pqita ising ka bubu rudan mu.
Tlhane rmengo mesa “Ake bale , waga inu huling su di? chepi tikuh luqah su, maha ini beyo malu ka luqah su wa!”
“Bale wa ! Ini ku reno” mesa ka bubu rudan, ado rmabang malu chepan na tnabu su naq huling daha ka iyu. Ado mkela mesa tnsapah ta nanaq, cmehaq luqah su ciida so hari pkbeyax isu peni, ado niqan kesun “iyu qsiya smipah stliyus han”.
Lmngelung ku ciida ado pkmalu nami riyung ka huling mu, kii pkchepun mu huling mu ka luqah di, bale ba kcugun mu hari ado miicu ku mnarux ma mkkerak ka cnhepan na peni, bobo mkpiya hari ali de, bale ba wada malu hari ka luqah tnkuran mu di.
Lmngelung knrudan mu ka saya peni, kmdamac bale ka ndaan cbeyo. Uxe gnkela kesun pneyah sluhe paru slhayan ising ka nii, kndalax kesun ndaan naq rdrudan tnalang miyan ma niqan kesun mpggaalu naq rdrudan daha ka huling duri. Dehuk saya peni ini mu ba klai ka dungus na, klaun mu ka so hari insing ka huling peni. Lnlungun mu ba ka saya, ooda kesun mbleyaq ma mpggaalu gnkela kndesan so nii peni, irih so htiyun na bobo lqlaqi na ka rdrudan Seediq miyan.