Qhuni trabus(台灣五葉松)[smmalu patas | ida npatas sspgan ka smmalu patas]

Msama bay beyhing hnyuwan na ka harung nii, pusu balay qumi ka wasaw na, kingal bkuwan niqan rima qumi wasaw, kiya u kluwan psdhu Taywan hini, mniq mdakil ckck mi daya Taywan.↵

　　Ita Sediq ddiyun dha slmuun qhuni qtinuh, qnabin, uruc hakaw, qqiya sapah, rudu puting, mi slmuwan lblak, adaw ka niqan bay wluq, mniq cbiyaw cida, ita Sediq psqliyan dha smalu emu qhuni thuun puniq, prdax puniq, hruun dha qmpah kman.

↵　　Cnduray nii daw, hbaraw bay ita Sediq ngalan dha ka wasaw na, sbtun na slmuwan wluq wasaw qumi harung, sun dha mahan qqiya miyah mimah, kiya uri u musa ta mksa dwiyaq muduh wawa ciida pmuman psaun wasaw harung nii, spuwan dha hmanguc; niqan uri mangal burah wasaw na sqmasan sinaw, mbahang kari u, ptduwa pkmalu mssiyaq; uxay uri u mbahang ita Sediq enchaya rmngaw, mniq sdalih pusu wamil na, mhru kluwan dhung, ngalan ta buhuway na bunga harung(tduwa uqun mi mnihur sknxan na) sbriyun sediq Tmukan, smluun dha iyu nglun na psbiyax hiyi.↵　　