Gaya wada ngalan tunux ka gxal

gaya wada ngalan tunux ka gxal 被出草規則

“Mnda brax nami ni nii su dhuq alang nami ka isu .Ida bi yaa naqih kuxul kana ka sapah su.Saw nii dhuq su mkan lala bi uqun ka isu nimqaras su, kiya do sai mlawa kana ka sapah su ni adas hini ”sun na, yaa bi bitaq 5～6 jiyax ka qrasan, nasi wada ngalun pais ka duma tnexal dha ga,ana mangal tunux pais ka dhiya o hciyan dha qmada elug ka tunux pais, ini asi tmay alang ni keeman do lmhlah lukus embulang ni sngkingal ini squwaq mtmay alang. Dhuq rhngun sapah do smbu btunux rhngun ni tmutuy seejiq. ini squwaq mtmay sapah, pucing nadas dha o ini jiyi paah siida seejiq tnkari mmowsa mdkrang nii o asi ka smhug mgay sapah seejiq wada mhuqil nii,kiya o mgay limuk, gukung, pucing, puniq, pupu saw nii. Qaya nii o aji ngalun sapah wada mhuqil saun qmada pskringan, mangal babuy ka mrhug alang ni dsun na bbuyu tmeetu.lhgun na ka tneetu ni sngkingal mlawa hangan alang qmada .Nririh saw wada seasug alang ka siyang ni smahug ruciq.Nasi ini sahug ka seejiq tnkari mdkrang nii o saan haya rmudaw ka sapah na. Nasi mangal luqih ka duma dha o seejiq tnkari ka msahug snpuhan. Gimun kana ka alang ni nasi niqan ka wada hmut sgsapat o dhiya ka msahug. Bitaq dhuq sapah ka wada mdkrang o ini tduwa phngun ka tahut sapah ni ini tduwa mseusa ni mrrnaw uri.

pnyahan kari

資料來源: 口述Yudaw Pisaw2001