Gaya smku(喪禮)

Seuxal han o niqan Gaya smku truma dxgal sapah ka seuxal, rmngaw ka drudan alang o “ Ida wana sktama ni skbubu ka tduwa skuun truma dxgal sapah, dlaqi do skuan nganguc saw ka ssiyaw truma dxgal rpun, uxay uri o ssiyaw truma dxgal sapah. Yasa musa paru hici ka lqian, 4/11dhuq mangal qrijil ka risaw ni musa snaw ka wauwa do, musa nanaq phiyug sapah da, kika ririh saw madas malu utux ni pqlahang tnsapah ka skuun truma dxgal ruwan sapah ” msa.

Qnbhangan ka kari skYidaw mtabug mniq babaw dxgal siida han o rmngaw quri Gaya smku o " Nasi meydang ka tama ni bubu do, tnsapah seejiq ga ida smapaw kingal pala babaw dxgal, tlngun ni pqriun gqian hidaw ni babaw pala ka bqrus niya, saw ka rabu mniq nbuyas bubu siida mtkmu hiyi na, bukuy do lbuun pala da. Nasi bubu ka wada meydang o, uda skuun nana truma tnqian na. Siida dsnaw tnsapah o malax wagi ni bbuwax rmawah hrakaw, duri ni kmarig dxgal tduwa smku bqrus meydang seejiq. Kika skuun ruwan hiya da. Nasi saw niqan ka kuxul na bi mduuy pucing uxay uri o kuxul na bi mlukus mniq babaw dxgal siida, ida tduwa seupu hyaan kana smku. Duri ni mukun limuk han, kika psaun mtumun btunux duri ririh saw dnamux dmamux babaw tunux na, hici do tqriun hiya duri ka knarig dxgal” msa.

Niqan kingal na ka kari skYidaw mtabug, “ Ttmku tluung o pusu bi kiya, mquri gqian hudaw ini qquri nklaan hidaw, (bnatas patas o mquri baraw msa) nasi mquri nklaan hidaw ka dqras do nirih saw ga tmaus utux iyah sapah, meiyah madas kngkingal hiyi tnsapah, kika pstuq ka lutuc tnsapah nii da.

Ida saw nii ka Gaya smku qbrus sexual. Paah meiyah kmlawa Taywan ka Tanah Tunux, meiyah ka kmlawa ka Kwo-min ceng-fu do, wada kpriyux ka Gaya smku qbrus Seejiq uri da. 5/8Taywan sayang dga dhuq idas 4 do ida ta meurug knxalan saying da, musa habung kmaraw tqian 5/9dha ni musa sapah skuan buuc qmita dhiya, ririh saw ini shungi ni lmglung bi dhiya.