Gaya Truku

Gaya Truku 太魯閣族的習俗

Pusu bi kndsan Truku sbiyaw ka gaya, Ga hiya kana ka pprgun euda kndsan. Pbrihun ni bshqun o qmita muda su “gaya” ka pusu na. Hmici tmgsa malu kndsan gaya ka pusu rudan Truku sbiyaw, kiya o gaya tmsma, psdhug bi rmngaw lqian dha ka rudan, Iya bi hmut mtmay qrunang seejiq ni iya bi uda mangal samant tnjiyal qlubung dha. Gaya kndsan risaw ni wauwa o iya bi hmut mkarat kari, nasi niqan muda dha ka risaw ni wauwa do asi pstrngi nhari, yasa nasi ini saw kiya do ruwan sapah risaw aji uri o sapah wauwa ga pgrqilun smahug utux, kiya q musa bbuyu ka snaw o ini angal kingal samat ni mangal luqih, musa mdkrang uri o mangal luqih ni wada ngalun pais ka tunux niya, kana euda dha kingal ruwan sapah o ini bi pnduwa kana, manu saw kiya rudan o psdhgun dha bi dmudug lqian ka gaya Truku hnici rudan. Duri ga laqi o asi ka kmsdrudan bi ni smparu rudan, kika sbliqun utux. Quri utux o utux tminun kika bari sun rudan. Maxal idas maxal rima jiyax knkingal hngkawas o muda nami psmiyan paru ka Truku. Psmiyan nii o kika Mgay Bari, spprunu bi Truku ka smiyan nii, muda nami o saw nii, murug nami saw endaan rudan sbiyaw, paah ska rabi 1 tuki bitaq 4 tuki babaw kndaxan jiyax nii, muda nami  mqaras Mgay Bari kana ka alang Truku, miyah teumal mseupu psmiyan kana ka lupung, seejiq mniyah ni seejiq ruway.

pnyahan kari

口述耆老Iyang Ciyang 2015