Endaan Tmgjial Mrata Nihung ka Truku
Endaan Tmgjial Mrata Nihung ka Truku 太魯閣族抗日戰爭史
Quri patas endaan Taywang o 50 hnkawas ka knlwaan Nihung, kiya o paah 1895-1945. Kiya ka kiya ni knlwaan na Truku o 32 hngkawas balay, yaasa 1896-1914.8 o tmjiyal mrata Nihung ka embbiyax Truku.
mtgjiyal Truku mkSiyaw 外太魯閣族之戰
[smmalu patas | ida npatas sspgan ka smmalu patas]Paah miyah mtmay nklaan hidaw ka mrata Nihung1986 ga yaa bi mn28 tmgjiyal mrata Nihung ka Truku. Dmuuy bgurah qngqaya ttgjiyal kmrmux mkan Alang Truku ka mrata Nihung, plealay bi o 1896 hngkawas 12 idas. o mtgjiyal Alang Paru, tg2 o 1897 hngkawas 1 idas,tg3 o mtgjiyal Qowgan, tg4 o 1906hngkawas 6 idas mtgjiyal alang Wili, mn4 nii o hbaraw bi wada phqilun Truku ka mrata Nihung, saw nii ini tgiyal embbiyax Truku ka mrata Nihung. Marah psramal 5 hngkawas ttgjiyal dha embbiyax Truku ka mrata Nihung.
mtgjiyal ruku mkBaraw 內太魯閣族之戰
[smmalu patas | ida npatas sspgan ka smmalu patas]Bitaq bi 1914 hngkawas 5 idas prajing kmrmux alang Truku mkBaraw mniq kska pusu dgiyaq Taywang. Nii o tg5 kika paru balay mtgjiyal Truku ka mrata Nihung, kiya o“Tmgjiyal Alang Truku”ksun. (nii o dxgal pusu dgiyaq Taywang,saan Rmigaw Qmita Truku nKlwaan sayang.) Mrata Nihung o yaa bi 20748 hiyi miyah kmrmux mkan 2500-3000 hiyi ka embbiyax risaw Truku. Pnquqan dha o yaa bi 80 sngari jiyax bitaq bi 1914 hngkawas 8 idas ka pntjyalan dha, wada dha qhduun dmuuy kana ka bali ttgjiyal ka embbiyax Truku do qduriq mkreurus ska bbuyu da. Saw nii kika hana prajing kmlawa alang Truku ka Nihung.
Tmjiyal paah 1914 hngkawas 5 idas bitaq 1914 hngkawas 8 idas o niqan 4 alang ka paru bi pngquqan dha.
1. Mtgjiya Skahing nii o 1914 hngkawas 6 idas 6－8 jiyax. Bukung Skahing Sibal Watan ka dmudul 20-30 risaw embbiyax Truku
2. Mtgjiyal alang Slagu Qhuni nii o 1914 hngkawas 6 idas 2-13 jiyax.Bukung Slagu Qhuni Wacih Habik ni Bukung Tpuqu Watan Law aka dmudul 60-70 risaw embbiyax Truku.
3. Mtgjiyal alang Btunux, nii o 1914 hngkawas 6 idas 13-14 jiyax. Bukung Kbayan Lowsing ni qbsuran na Umin ka dmudul risaw embbiyax Truku
4. Mtgjiyal Alang Tngqian nii o 1914 hngkawas 6 idas 14-24 jiyax.Bukung Tbula Siyat Teymu dmudul 400risaw embbiyax Truku tmgjiyal 6500 mrata Nihung, yaasa nii o nhdaan bi tmgjiyal Truku mkBaraw ka mrata Nihung, ida asi ka tgiyalun ka risaw embbiyax Truku msa mshjil bi lnglungan dha ka mrata Nihung.
pnyahan kari
[smmalu patas | ida npatas sspgan ka smmalu patas]資料來源: 廖守臣 【泰雅族 東賽德克群的部落遷徙與分佈】1977
口述Yudaw Pisaw,Iyang Taying,2001
秀林鄉志 2006.