Dkeyso(西番蓮)[smmalu patas | ida npatas sspgan ka smmalu patas]

Dkeyso nii u tnhnganan Tanax Tunux, yasa dhiya ka nadas mi yahan dha prana Taywan hini, mhru truma mi ckcka knbrawan lmiqu, mkkarang hmru mi hmru paru bbuyu, siyaw elu dwiyaq mi mkarang qhuni uri.

　　Kari bey eyyo miyah pkmalu hiyi sediq ka dkeyso, malu bay ngalan mahan karac kngkwasan rabwan uri, ini pkhuwau mi ini pktilux sediq, miyah pkekan mi pkuka siyaq sediq uri, kiya ni kuxul bay mkan rprapic, bbrihuc, qqolic, bboyak, qqbhni....dnii, qqbhni nii u miyah pkrhak rhak na musa mhru icil duwan, rahuq na u iyux thidaw ka dhiya, mkarang musa mubung sspriq mi qqhuni, kiya naqah hari kndkilan mi wada mhuqil duma ka kndusan dha da.

　　Smkuxul mkan dkeyso ka sediq uri, babaw na uri u haan dha lmamu mi wada dha briyun pila uri, yasa knttu knburah mi knpriyux ka kndusan dha da u, kiya uka hari hnruwan na mi uka hari sediq mkan uri da, duwan u malu bay qtaan ka phpah　mi hnyuwan na, kiya kuxul bay prana ini pntna kluwan rkrhak mi wwamil na ka sediq.