Dgiyaq Klbiyun
Dgiyaq Klbiyun (奇萊山)
[smmalu patas | ida npatas sspgan ka smmalu patas]Sbiyaw balay, “ Tmpupu ” sun dha ka dgiyaq Klbiyun, gaga hiya ka paru balay qhuni, sngsagan sida ni rnabaw niya o ana jiyan mnkuung mdka keeman, niqan 1 jiyax, smriyu paah lhbun qhuni ka 1 mneudus 4 papak ubal kana hiyi na Smriyu 1 duri mneudus o niqan Pungu baraw na mdka rungut qhuni qtaan, paah baang na o niqan 2 gamil ni 2 sida, smrivu duri paah baraw ka 2 mneudus, mneudus, mlglug lqling bbaraw ni mtduwa mksa ka 1, mtduwa skaya karat ka 1, kika samat, quyu, ni qbhni sun.
Smriyu paah baraw ka1 o mniq qhuni baraw, smriyu paah truma o mniq dxgal saw nii ka kndsan samat, quyu ni qbhni.
Ana yaa smnriyu paah qhuni ka 4 klgan mneudus nii o ini pseupu, niqan 1 jiyax empprngaw ka dhiya, “Paah sayang asaw kkeudus ta, usa smpung mkan saw uqun ta nanak ni meudus. ” mkksa.
Smriyu paah lhbun qhuni duri ka 1 snaw, smriyu paah hiyi na ka 2 laqi 1 o snaw, 1 o kuyuh, paru do maamsddungus da, mtucing 1 laqi dha, mrana paah hini ka Truku msa ka rudan Truku sbiyaw. Wada bsiyaq knxalan mkreurus mniq eneana inu ka laqi laqi dha, duma o mniq ddgiyaq, duma o mniq bbreenux, phiyug nanak bgurah sapah nniqan dha.
Niqan patas Nihung rmngaw quri pnyahan Truku sbiyaw, Brah 300-400 hngkawas, yaasa mrana hbaraw ka lqlaqi Truku mniq nniqan dha dxgal Nantu truwan ribaq hidaw, ini tuku ka dxgal qqpahun ni saan maduk do mnkala Dgiyaq Klbiyun mquri nklaan hidaw mtmay Dgiyaq paru miying dxgal nniqan ni kmlawa sapah dha, mnsuwil mkeekan ka dhiya.
Dgiyaq nii o pthangun rudan Truku sun “ Klbiyun ”, laqi Truku embarah sayang do pthnganun dha “Dgiyaq suyang” sun. Hmuya ma dha pthnganun “Dgiyaq duyang” hug?
Yaasa uxay dha sshungi pusu rudan dha sbiyaw, 300--400 hngkawas brah na o mnkala dgiyaq nii ka rudan Truku miyah thjil nklaan hidaw, wana nii ka elug daan dha mnkala. Mnkala hini ka rudan Truku o asi ka tpuqu tluung ni psklabi ka dowriq qmita nklaan hidaw. Kiya do asi dha si “Dgiyaq Klbiyun” ka dgiyaq nii thnganun dha Klbiyun o niqan paru bi pusu na quri Trkuan.
Qtaan patas bnatas
[smmalu patas | ida npatas sspgan ka smmalu patas]Embnatas patas: Lituk Teymu （詹素娥）
Embatas: Kumu Basaw （谷慕‧巴紹）