Layac(冇骨消)[smmalu patas | ida npatas sspgan ka smmalu patas]

Nii mhru truma lxan qpahan bi qaraw ghuni, saw bi snpuan mgsama ni snskawas spriq ni ka kndusan na. msqruqi bi ka buuc qmuru niya, msdhriq bi ka sudu qhuni , niqan saw ssamac sknxan na. Tnphpah rbagan ni krpuhan ka layac nii, Jiyax krpuhan do mhada ka hiyi ni mbanah ka hiyi na da, kuxun balay mhiyuc mkan klalay.

　　Snpual spawda ppkmalu narux seejiq ni ka emptsapuh, duma o psaan dha mniq babaw kbusan hiya, idaw saw iyux pkmalu nagih utux nalux bi mangan malu endaan knan.　Manu ka skbiyax na pkmalu mlabu dahun bi naqih sahu bi skkilit bi gmalu smhuwan bi pkskuy talux bi mangan naqih naraq.

　　Emptsapuh ga spual spawda prmamux gamil, wasaw, qbulic tahuc, saun na pkmalu niqan naqih narux dahun, bgihur utux, tuba qdat. Ni duri o sgnprimax qsiya, cimu bi, ssyusan kari rudan, iyux saw pkmalu qdat snqriqan, mlabu snqriqan, ramus rkrak, narux hwinuk dnii. wasaw niya niqan skmalu smhuwan, pkskuy talux, bkriyux mlabu dara narux; pkla mangan hhiraw, sahu naraq, narux mlabu shmu bi puru ruic siqa narux.　