Blebun

Pnyahan Wikipidiya

Blebun/ Blbun/ Blbul(香蕉)[smmalu patas | ida npatas sspgan ka smmalu patas]

Egu riyung skmalu hei ta ka blebun nii, kiya kuxul riyung ppqun ani iima. Anu egu kesun daha ka sansusenwe na.

 Ita Seediq peni na, rbegun daha qsiya kingal rabi ka beras dhekuy han, pgdengun qsiya beras dhequy ge, pgmaxun daha hei blebun ka beras dhekuy nii. Blequn smetun ka waso na plbuun daha ppuqun, nii kika lbuun daha bera dhekuy blebun. Hngedun daha bobo ribo paru ka kulu, mhada hnpure ge , nii kesun ta ita Seediq ka “emun”.

  Rudan ta ita Seediq ge, smeelaq camac de, ssapo daha waso blebun ka bobo truma ka snliqan na hei camac, ririh so gnaalu nniqan ta bobo dheran duri.

File:Musa-sp3.1.jpg

  Niqan dungan, netun so ini pphepah ma ini heru ka pusu qhuni na de, paqun daha pusu na ma htiyun nanaq hiya, ririh so pkmalu so gntuwan ddheran.